RYZA SAMSON
Mahigit isang linggo na ako rito sa Italy. Simula rin nang dumating ako rito, hindi ko pa nire-reply-an si Ryan sa mga messages niya sa 'kin. Pati mga tawag niya sa messenger o IG ko ay hindi ko rin sinasagot.
Pinipilit kong aliwin ang sarili ko at ituon sa ibang bagay ang atensyon ko para kahit papaano ay makalimutan siya. Ngunit habang lumilipas ang mga araw ay nararamdaman ko na para akong mababaliw sa kaiisip sa kaniya.
Habang nakahiga sa kama, inabot ko ang cell phone ko upang muling silipin ang messages niya. Sa isang araw na ang kasal niya kaya naisipan ko siyang i-message.
"Congrats and best wishes, Ryan."
Ang sakit pala makipagplastikan sa sarili. Hindi ko maiwasang makaramdam ng panghihinayang na tatlong taon kong bininbin ang panliligaw niya sa akin. Tatlong tao
