WYNTER JUAREZ
Ala-una ng tanghali na ngunit wala pa rin si Ryan sa villa. 12 noon ang sinabi sa akin kanina ni Secretary Dan nang tawagan niya ako at sinabing papupuntahin niya raw ito si Ryan para sabay kaming pupunta kung saan kami magpapasukat ng gagamitin sa kasal.
"Hindi pa ba s'ya nagte-text o tumatawag?" baling sa akin ni Monet. Katabi ko lamang siya sa couch, pareho kaming nasa sala at sinasamahan niya ako sa paghihintay kay Ryan.
Buntong-hininga ang naging sagot ko sa kaniya bago ko siya tingnan. "Tawagin mo na 'yung driver. Sabihin mo ihatid na lang ako. Kung hihintayin ko pa si Ryan, baka mamuti lang mga mata ko rito," nakasimangot kong sabi.
Agad naman din siyang tumayo upang sundin ang sinabi ko. Nang ako na lamang mag-isa ang naiwan sa sala, binuklat ko ang phone ko at hi
