NAKULONG NA NGA ang salarin na si Cesar. Sinampahan ito ng kaso at natitiyak ni Georgianne na hindi titigil si Jaime hangga’t hindi ito nagbabayad at nagdudusa. Ngayon ang sinusunod naman nito ay si Stephanie. Nawala na ito na parang bula at pinaghahanap ng batas. Isang malaking issue ito ngayon sa hasyenda at lahat ay pinaguusapan ang nangyari.
Ilang araw lang ang pinahinga niya. Pinatignan din siya ni Jaime sa isang psychologist kung maaring nagkaroon siya ng trauma sa nangyari. Pero giniit niya kay Jaime na babalik siya sa trabaho dahil mas maiisip niya lang ang pangit na pangyayaring ‘yon kapag nakatengga siya sa mansyon.
Sinabi sakaniya ng binata na sasabihin nito sa magulang niya ang nangyari, pero sinabi niyang huwag na muna. At ayaw niyang bigyan ng problema ang magulang lalo na
