"OH? NASAAN ANG senyorita mo? Bakit nasa labas ka na agad?" nagtatakang tanong ni Jaime sa kasambahay na tumutulong ngayon sa dalaga.
Napakamot sa ulo ang babae. "Eh senyorito, ang sabi ho niya siya na raw ho eh. Hindi ho raw siya sanay na may nagpapaligo sakaniya,"
Naisip tuloy ni Jaime na baka kaya naman talaga ng dalaga kumilos. Tumango siya. "Sige, tulungan mo nalang sila roon sa baba. Dalhin agad kamo rito ang sopas kapag tapos nang lutuin,"
"Sige po, senyorito."
Pumasok na siya ulit sa silid ni Georgianne. Naririnig naman niya ang lagaslas ng tubig. Inayos niya ang higaan nito at sinara ang mga bintana na maaring makapaghatid dito ng ginaw.
Dito pa naman sa probinsya nila, kapag bagyo, talagang literal na bagyo. Parang wala kang makikita na kahit ano sa labas kundi ang makapal n
