"NAKU, Jaime ano'ng nangyari kay Senyorita?" nagaalalang tanong ni Nana Selma pagkarating nila sa bahay.
Nagsidatingan din ang ilan pang kasambahay at bakas sa mukha ng mga ito ang pagaalala pada sa dalaga.
"Naulanan siya at muntik nang tuklawin ng ahas. Nana, pwedeng pasuyo naman, pakihanda si Georgianne ng mainit na tubig pangpaligo. Baka magkapulmonya siya," nagkaroon ng gitla ang noo niya.
Nataranta naman ang matanda. "Naku, santisiman! Mabuti naman at walang nangyari masama kay senyorita, kawawa naman! Sige, mabilis lang ito." tumingin ito sa mga kapwa kasambahay. "Ayusin niyo na ang dapat ayusin, ikuha niyo ng madadamit ang senyorita niyo. Ikaw Matet, magluto ka ng mainit na sopas. Hala, bilis!" pagtataboy nito sa mga kasama.
Mabilis naman na nagsitaungan ang mga ito. "Iaakyat ko
