PARANG BINUGBOG ang katawan ni Georgianne nang araw na 'yon. Nasira rin ang kuko at mga acrylic nails niya. Pero wala naman siyang magagawa at hindi naman siya makapagreklamo. Si Lord Jaime ang batas sa bahay na ito. At siya ay ang dakilang alipin lang nito.
Infairness naman, may natutunan naman siya. Natuto siya kung paano i-harvest ang mga gulay tulad ng carrots, patatas, repolyo, kalabasa at marami pang iba. Nilinisan pa nila iyon bago ilagay sa sako.
Hindi na nga niya mabilang kung nakailang sako sila ngayong araw, dahil sobrang busy talaga nila. Halos buong araw ay walang pahinga. Kung hindi lang dumating si Nana Selma upang magdala ng meriendang ginawa nito ay hindi pa siya tatayo sa kinauupuan kanina.
Nang matanggap pa ni Jaime ang pera mula sa bumiling negosyante ay napangiti pa
