"ANO'NG SINABI ko sayo? Akala ko ba malinaw na ang usapan natin? Huwag mong asahan na palabasin kita sa itsura mong 'yan..." sarkastiko at halos magdikit ang mga kilay ni Jaime nang salubungin si Georgianne.
Napayuko naman ang dalaga at tinignan nga ang damit na suot. Kumpara kahapon, mas matino at mas disente na ang damit niya. Nakasuot na siya ngayon ng fitted round neck shirt at maong na shorts na hindi na ganoong kaikli. Suot niya rin ang tsinelas na binigay sakaniya ni Jaime, simple lang 'yon at de-goma.
Tinirintas niya ang buhok sa magkabilang gilid para hindi siya mainitan mamaya at pagpawisan.
"Ano nanaman ang nakita mong mali sa damit ko? Hindi na ako naka-crop top. Disente at hindi na luwa ang suot ko. Karamihan ng damit ko ay shorts at palda, kaya huwag mong asahan na makakap
