HINDI PA siya tapos magsalita ay agad na siyang pinutol nito sa madilim na tingin. "Hindi ako nakikipagnegosasyon lalo na sa mga bagay na walang ka-kwenta kwenta. At hindi ako magsasayang ng panahon at effort ko kung mapupunta lang 'yon sa wala..." mahinang sabi nito ngunit nakarating pa rin sa tenga niya.
Napakunot-noo siya. "Huh? Ano'ng ibig mong sabihin?"
"Simple. Kung walang kwenta saakin ang isang bagay, hindi ko ito pagaaksayahan ng panahon. At lahat ng akin ay akin lang, hindi ko ito pinalago para lang makuha saakin ng iba..." bumaba ang tingin nito sa nakaawang niyang mga labi.
Naguluhan naman si Georgianne sa narinig. Hindi ito maintindihan.
"A-Ano'ng sinasabi mo...?" Kunot-noong tanong ng dalaga.
"Umakyat kana sa magiging silid mo. Ipapakita sayo ni Nana Selma ang tutuluyan
