Malakas ang kabog ng dibdib ni Amanda habang papunta siya sa kwarto ni Miranda. Nagising siya dahil wala sa tabi niya si Ariel, kaya dali-dali siyang bumaba at nagsuot lamang ng bathrobe upang hanapin ito. Ang kabog ng kanyang dibdib ay ganoon na lamang. Tila siya nanghuhuli ng kriminal. Pinihit niya ang doorknob ng silid ni Miranda, pero naka-lock iyon. Idinikit niya ang kanyang tenga sa pinto upang marinig ang nasa loob. Malakas ang kutob niyang nasa loob ng silid ni Miranda ang kanyang asawa.
“Tama na po, Sir… Maawa po kayo sa akin, tama na po. Maawa po kayo,” rinig niyang umiiyak na tinig ni Miranda. Ang boses nito ay tila nagmamakaawa. Hindi niya maintindihan ang lahat ng kanyang naririnig, pero isa lang ang nasa isipan niya: pinipilit ni Ariel na galawin si Miranda. Malinaw ang gina
