Dahan-dahan na idinilat ni Sofia ang kanyang mga mata na namumugto pa dahil sa pag-iyak kagabi. Nasilaw pa siya sa liwanag na nanggagaling sa sinag ng araw na tumatagos mula sa bintana kaya napapikit siyang muli.
Ilang sandali lang ay muling idinilat ni Sofia ang kanyang mga mata saka in-adjust ang paningin pagkatapos ay tiningnan ang orasan na nakasabit sa pader. Nakita niyang alas nwebe na ng umaga. Kanina pa dapat siya gumising at pumasok sa trabaho ngunit wala siyang gana na bumangon dahil sa nangyari kagabi dagdagan pa na alam niyang hindi maganda ang itsura niya kahit na nakatulog naman siya sa nagdaang gabi dahil pinilit niya iyong gawin para sandaling makalimot.
Napahawak si Sofia sa kanyang magkabilang-sentido at hinilot niya ito gamit ang dalawa niyang daliri sa kanyang magkabi
