Lumipas ang dalawang linggo ngunit hindi pa rin nahahanap si Theo. Kahit ang katawan man lang nito o damit pang-ibaba na suot ay hindi nakita.
Patuloy pa rin ang paghahanap at hindi ito tumitigil lalo na si Ronnie na handang magbayad ng malaki para lang mahanap si Theo.
Nasa loob ng simbahan si Ronnie at nakaluhod sa luhuran ang kanyang mga tuhod habang nakatitig ang mga mata niya sa harapan ng altar. Ngayon lamang siya muli nakapasok dito dahil matagal na rin ang panahong lumipas noong huli siyang pumunta sa lugar na ito.
“Pwede bang humiling ang isang makasalanang tulad ko?” tanong ni Ronnie. “Pwede ba akong humiling sa’yo na ibalik mo siya ng ligtas?” pagtatanong niya pa. “Pakiusap... pakiusap... ibalik mo siya,” aniya pa. Nangilid sa luha ang mga mata niya. “Pangako... gagawin ko an
