“BESS, kaya mo bang alalayan ’yang si sir?” tanong sa ’kin ni Yumie nang alalayan ko ng makatayo si Cross.
Lasing na lasing na kasi ang isang ito. Hindi naman siya ganoong umiinom e, pero alam kong naglasing siya ngayon dahil sa mga nangyari kanina.
Hinawakan ko siya sa braso niya at pilit na pinatayo sa puwesto niya. Malaki siyang tao at mataas kaya kakarampot lang ang lakas ko para maalalayan siya pauwi sa bahay.
“Kaya ko na bess, sige at mauuna na kami huh!” saad ko na lang kay Yumie ’tsaka nagsimulang humakbang.
“S-saan tayo pupunta?” tanong sa ’kin ni Cross mayamaya nang tumingin siya sa akin at namumungay pa ang mga mata. Pulang-pula rin ang mukha niya dahil sa lambanog na ininom nila ng tatay ni Yumie.
“Uuwi na tayo mister ko,” sabi ko. “Lasing ka na.” Kahit nahihirapan akong m
