GAYA sa nakagawian ko ng gawin, kinabukasan ay maaga rin akong nagising.
Pagkamulat ng mga mata ko ay ang mahimbing na natutulog na mukha ng mahal ko ang unang bumungad sa paningin ko. Sarap na sarap siya sa tulog niya habang nakayakap ng mahigpit sa baywang ko. Nakaunan pa ako sa bisig niya. Sobrang lapit pa ng mukha niya sa ’kin. Pinakatitigan ko ng mataman ang maamo niyang mukha. Mayamaya ay dahan-dahan ko ring tinanggal ang mga braso niya sa baywang ko at bumangon na sa higaan nang marinig ko ang boses ni Yumie sa labas ng bahay. Pasado alas sais pa lang ng umaga pero gising na rin ang mga kapit-bahay namin.
“Morning bess!” nakangiting bati sa ’kin ni Yumie nang makalabas ako ng bahay.
Napayakap pa ako sa sarili ko nang sumalubong sa ’kin ang malamig na pang-umagang simoy ng hangin
