“ANAK DEBBIE, okay ka lang ba?”
Untag na tanong sa ’kin ni Nanay Matelda nang madatnan ako nitong nasa kusina. Nakaupo ako sa isang mataas na stool habang nakahalukipkip sa kitchen counter. Isang malungkot na tingin naman ang ibinigay ko sa matanda kasabay ng isang malalim na buntong-hininga.
Nag-aalala naman itong lumapit sa ’kin.
“May sakit ka ba anak? No’ng isang araw ka pa ganiyan. Hindi ka rin kumakain ng maayos.”
Sinalat salat pa ni Nanay Matelda ang noo at leeg ko para tingnan kung may sakit ba ako.
Bahagya naman akong umiling.
“Teka, nagkausap na ba kayo ni Cross?” tanong nitong muli.
Umili naman akong muli bilang tugon.
Pagkatapos kasi no’ng gabing tumawag ako kay Cross at babae ang nakasagot sa tawag ko, hindi manlang niya nagawang tawagan ako pabalik para manlang sana m
