Alam niyang isa lamang pagsubok 'yon. Bukas taas noo niyang haharapin ang simula ng bagong pakikipagsapalaran.
Nagdasal muna siya at handa na sanang matulog nang biglang tumunog ang kan'yang phone.
"Hello," tinatamad niyang sagot dito.
"O bakit matamlay ka yata? May problema ba, sa opisina?"
"David, bukas na tayo mag-usap at gusto ko nang matulog. Pagod na pagod na ako." Walang pa ring gana nitong sagot sa binata.
"Okay, sorry nagambala kita. Tatawag na lang ako bukas. Good night and sweet dreams, love!"
Binaba na ni Luisa ang kan'yang phone at ipinikit ang namumugto pa ring mga mata.
Maagang nagising si Luisa at nang makita niyang tulog pa ang mga magulang ay siya na ang nagkusang nagluto ng kanilang agahan.
Nang magising ang mga magulang ay nakaluto na ang dalaga. Mag-aahin na sa
