"Napakasarap ng pakiramdam ko. Para akong dinuduyan sa ibabaw ng alapaap. Sa mga sandaling 'yon, isa lang ang nasa isip ko at ito ay walang iba kung hindi si David.
Hay ang sarap niyang humalik. Kung pumayag akong manood kami ng sine siguro ilang beses kaming naghalikan.
Ewan ko ba pero kinikilig ako habang iniisip ang itsura ko habang nakikipaghalikan kay David. Natatawa ako kasi humarap pa ako sa salamin.
Kinuha ang teddy bear ko at dinantay ang nguso ko dito. Tinitignan ko sa salamin ang itsura ko nang biglang tumunog ang aking phone.
Si David ang tumatawag kaya kaagad ko itong sinagot kahit pulang-pula ang mukha ko dahil sa ginagawa ko.
"Hello babes, matutulog ka na ba?"
"Oo, nagpapaantok lang,"
"Ako rin, 'di ka kasi maalis sa isipan ko. Mukha mo ang lagi kong nakikita."
"S
