Nasa sala ang nanay at tatay ni Luisa. Katatapos lang nila kumain. Bantulot siyang lumapit sa magulang pero kailangan.
Nagbabasa ng diyaryo ang tatay niya nang napatingin ito sa dalaga. Pati ang nanay niya ay parang may hinala din na naglalaro sa isip nito.
"Itay, inay may sasabihin po sana ako. Kahapon po kasi no'ng nag-aplay po ako sa Quezon City, 'di ko sadyang marinig ang usapan ng dalawang empleyada sa may banyo."
Nag-isip pa muna ito bago sabihin sa ina at itay niya ang lahat, saka muling sinimulan buksan ang bibig.
"Narinig ko po na binanggit ang pangalan ko. Sinasabi nila na mayr'on daw utos ang nakatataas sa kanila na huwag daw nila akong tanggapin," ani Luisa na naghihinay lamang sa pagkukuwento.
"Ha, bakit ngayon mo lang sinabi sa amin? Matapos ang lahat nang nangyayari na
