Sinamahan si Luisa ni Ms. Heredia sa kan'yang mesa.
"Ito ang mesa mo, bahala ka na kung anong ayos ang gawin mo rito, 'wag mo lang sisirain."
"Salamat po!" sagot dito ng dalaga may paggalang.
"Kapag may 'di ka alam o naiintindihan, magtanong ka sa akin. 'Wag kang basta magpumilit gawin kung 'di mo alam at malaki ang magiging danyos nito sa kumpanya."
Kumuha ng tissue si Luisa sa kan'yang bag, pinunasan ang mesa, ang silya at computer na gagamitin niya. Nilinis din niya ang paligid na may mga papel na nakakalat.
Inayos nito ang mga gamit na nakalagay sa mesa at saka binuksan ang computer gamit ang password. Nakasulat ito sa papel na binigay ni Miss Heredia sa kan'ya kaya madali na niyang nabuksan ito.
Nagsimula na siyang magtrabaho. Nag-ingat sa pagta-type at baka siya magkamali. "Do
