"Ikaw yon!" Ngising tagumpay iyong babae nang nagkaabutan kami sa labas ng mall. Kunot naman ang noo ko, lalo na at nagtataka hindi lang pati naiinis sa kanilang dalawa. Wala ba silang sasakyan at dito pa kami nakapang-abot? Ano? Naghihirap?
Duda na nga ako kung hindi ba nasisiyahan ang isang 'to lalo na at iyong kinakalantari niyang lalaki e galing pala sa napakamayamang pamilya. Buhay prinsesa nga ang negra, tulad ng sinabi ni Tita!
"Shee.." ito na naman tayo, alam niya ba kung ilang punyal iyong sakit na ginagawa niya sa tuwing tinatawag niya akong ganyan? Asan na yong 'By'? Iyong unang tawag niya sa akin ng unang magkita kami mula sa pagkakawala niya? Nakalimutan kaagad.
"Kailangan ko nang umalis..." irap ko at tatalikod na sana kung hindi lang ako pinigilan noong babae.
Asar na ti
