“Hindi ka pa rin ba tapos?” katok niya sa pinto ng c.r. sabay tanong nun.
“Hindi pa.” sagot ko.
Sa tingin ko ang tagal ko na rito sa c.r. pero hindi pa rin talaga ako tapos at pakiramdam ko nandito pa rin ‘yong bakas nung nangyari kanina.Nakailang hilod na ako pero ramdam ko pa rin na nakahawak siya sa katawan ko at sa loob ko. Bawat haplos ko sa katawan ko hindi ko makalimutan ang init ng hawak niya sa akin habang inaangkin ang buong pagkatao ko.
Kinilabutan ako dahil sa parang babaliktad ang sikmura ko at gusto kong masuka. Makailang ulit ko ring pinilit na sumuka pero wala namang nalabas at purong laway lang. Bahagya tuloy sumakit ang sikmura ko dahil doon. Hindi ko rin naman kayang kalabitin ang loob ng lalamunan ko para masuka.
“Okay ka lang ba d’yan?” banayad sa boses ni Jessy
