“KUMUSTA pakiramdam mo?” malumanay kong tanong noong magising si Tyler. Lumingap pa siya sa paligid upang alamin kung nasaan siya ngayon.
“O-okay naman na po,” magalang nitong tugon.
“Babalik ako sa inyo para kausapin ang daddy mo,” sambit ko habang nagtatalop ng mansanas na dala ni Dra. Villardez.
“W-wala na po siya,” ani niya na nagpatigil sa akin.
“Noong mawala si daddy, binenta na ni mama ang bahay namin. Hindi niya ipinaalam sa malalapit kay papa na walang-wala na siya dahil alam nilang mahalaga sa aking ama ang bahay na iyon,” malungkot nitong kuwento.
“Anong sumunod na nangyari?” puno ng kuryosidad kong tanong.
“Pinalabas pong si daddy ang tunay na may gustong ibenta ang bahay at lupa. Inubos ni mama ang pera sa sugal at casino, wala na natira pa. Lumapit kami
