Mona
Unang araw namin dito sa Coron ay nag-Island hopping kaagad kami ni RM. Bigla akong nasabik sa amoy ng dagat.
Marahang isinusuot sa akin ni RM ang life vest at habang ginagawa nya ito ay pinagmamasdan ko lamang sya. Damang-dama ko ang pag-aalaga nya sa akin.
Inalalayan pa nya akong sumakay ng bangka at sinigurado nyang mabuti ang kaligtasan ko.
At habang nakasakay na kami sa bangka ay bigla na lamang syang yumakap sa akin. Sumandal ako sa kanyang matipunong dibdib habang sabay naming pinagmamasdan ang nagtataasang mga bundok at puno sa aming paligid. Namangha talaga ako sa ganda ng lugar na ito. Isang tahimik na paraiso ito na syang dapat puntahan ng mga tao.
Napakatahimik ng buhay dito. Malayo sa gulo. Malayo sa problema. Tumingin ka lamang sa magandang tanawin dito ay agad
