" Ang aga-aga kung ano-anong gusto mong gawin sa buhay eh, pinsan. Ang sarap pang matulog oh. Anong oras na ba? Mag-aalas singko pa ng madaling araw gigising-gisingin mo ako. You don't havingness manners.” Maagang bulyaw ni Enting dahil ginising siya ng kanyang pinsan na si Kevin.
" Manners ka d’yan?” Sagot naman nito sa pinsan.
" Ahhh… basta GMRC tawag sa amin non nung nasa elementary pa lang ako. Magaling nga ako d'yan eh kasi nangunguna ako sa englishan at sa good moralness."
“Alam mo kung ano-ano na lang din ‘yang sinasabi mo ‘no? Ang mabuti pa tumayo ka na at magbihis dahil aakyat tayo ng talampas sa kabilang sitio."
“Saan? ‘Yong talampas sa sitio ng Marupay?" Napaisip naman si Enting dahilan ng pag-angat ng kanyang ulo sa kisame.
“Mt. Linabo yata tawag do'n, diba?"
“Linabo?"
