“Ang tagal mo namang magdasal eh! Ano ba kasi ‘yang mga hinihiling mo? Kanina pa ako rito oh, pinsan. Gutom na ako eh! Tingnan mo nga ‘yang araw oh, pasado alas otso na yata ng umaga tapos nandito pa tayo sa taas ng talampas. Hayst!" Reklamo ni Enting dahil kanina pa nakaluhod ang kanyang pinsan na si Kevin sa isang batong nakadungaw sa may bangin. Hindi man siya sigurado sa kanyang ginagawa ngunit nagbabakasali lang naman siyang baka may makarinig sa kanyang isang bathala, at bigyan ng katuparan ang kanyang kahilingan.
Wala naman siyang ibang nais kundi ang makita lang muli ang kanyang professor Kenny. Gusto niyang sulitin itong panahong hindi pa siya estudyante ng kanyang professor Kenny. Bakasyon pa kasi at ito lang ang natatangi niyang pagkakataon para iparamdam ang kanyang mga narar
