"Tay naman, sinabi ko na kase na huwag kayong masyadong nagpapagod. Hayan tuloy ang nangyari. Buti nalang at hindi malala." Panenermon ko sa kanya. Ngumiti lang si Tatay sa akin.
"Kung hindi pa ako nagkaganito hindi ka manlang uuwi." Kunwari ay tampong sabi nito.
Napabuntong hininga ako at hinawakan iyong kamay niya.
"Tay, alam nyo naman ang dahilan kung bakit hindi ako nakakauwi." Paliwanag ko sa kanya.
"Binibiro lang kita. Huwag ka ng mag alala. Ayos naman na ang lagay ko. Pwede na nga akong makipag inuman sa kanto." Sabi nito. Tumango ako.
"Magpahinga na muna kayo." Sabi ko sa kanya. Iniwan ko si Tatay sa kwarto ng alam kong natutulog na siya.
"Ronna, buti at pinayagan ka ng amo mo?" Tanong sa akin ni Nanay.
Naupo ako sa harapan niya at nangalumbaba. Ipinagbalat naman ako nito ng
