"Liza, magccr lang ako. Kanina pa kase ako naiihi! Sasabog na iyong pantog ko." Paalam ko kay Liza.
"Okay." Sabi lang nito habang may kung ano siyang pinagkakaabalahan sa cellphone niya.
Sa sobrang luwang ng mall ay natagalan ako sa paghahanap ng restroom. Pabalik na ako doon sa lugar kung saan ko iniwan si Liza ng may mamataan akong pigura. Alam kong si Lordon iyon.
Napapalunok na sinundan ko ito. Nang medyo malapit ako ay hindi nga ako nagkamali. Siya iyon. May kasama siyang isang babae. Parang ako siya kapag nakatalikod.
Akbay akbay ito ni Lordon dahil inaalalayan siya nito. May kasunod din silang isang lalake na may dalang maraming shopping bags. Nagtatawanan na pumasok sila sa isang restaurant.
Napahigpit ang hawak ko sa plactic bag na hawak ko. Napasulyap ulit ako sa kanilang da
