Hindi agad nakasagot si Kany.
Nanatili siyang nakatayo sa harap ni Mr. Arthuro Wellington, ngunit ang isip niya ay tila nagkagulo.
Napakabilis ng mga pangyayari, kanina lang ay iniiwasan niya ang matandang lalaki, at ngayon, may alok na itong trabaho sa kanya.
Isang trabahong hindi niya alam kung ano ang kapalit.
"You don’t have to answer now." marahang sabi ni Arthuro, tila nababasa ang pag-aalinlangan sa kanyang mukha.
Napatingin si Kany sa kanya.
Wala siyang nakitang pamimilit. Walang urgency. Tanging isang kalmadong pagtanggap na para bang sanay itong maghintay.
"I understand if you find this… sudden," dagdag pa nito.
Bahagyang napayuko si Kany.
"Opo," amin niya, halos pabulong.
"Medyo… nabibigla lang po ako."
Hindi siya sanay sa ganito. Sa mga taong biglang dumarating.
"
