Chapter 27
Stella
"Pagpasensyahan mo na, ganito talaga dito." paghingi ng paumanhin ni Tita Slendra. Mama nila Xander at Blake.
"Okay lang po, ang saya po dito." Hindi mawala ang ngiti ko habang pinagmamasdan si Xander na nilalaro ang mga bata.
Naghahabulan sila at ang mahuli, siya ang taya.
"Kumusta pala ang tulog mo kagabi? Pasensya ka na kung hindi malambot ang kama tulad ng nakasanayan mo."
"Naku, okay lang po. Mahimbing naman po ang naging tulog ko."
"Hindi ka naman nainitan?"
Umiling ako. "Hindi po."
"Mabuti naman. Salamat."
"Ako po ang dapat magpasalamat. Salamat po sa pagpapatuloy niyo sa 'kin dito sa bahay po niyo."
"Walang anuman. Napakabait ng Lolo mo sa 'min at ikaw din. Sa katunayan, ang Lolo mo ang nagpa-aral sa mga anak ko. Kaya malaki ang utang na loob namin sa
