NAPAGPASYAHAN namin ni Catrione na dito muna sa burol magpalipas ng gabi. Umaliwalas din naman ang kalangitan at ngayo'y nandito pa rin kami sa labas ng bahay at nagtayo ng tent para malayang panoorin ang mga kumikislap na tala sa langit kasama ang bilog na bilog na buwan.
Napakaliwanag ng paligid at napakagandang pagmasdan ang tanawing kaharap namin! Nagmistulang mga bituing kumukuti-kutitap ang ilaw sa mga kabahayan sa bayan na lalong nagpaganda ng paligid!
Napakalamig din ng simoy ng hangin kaya't nakakulong si Catrione sa mga bisig ko habang nakaupo kami dito sa loob ng tent at nagkakape kaming nakamasid sa paligid.
"Ayaw mo ba talaga, Daddy?"
Napahinga ako ng malalim. Heto na naman siya.
"Mommy-"
"Gusto kong lumaki ang anak natin na may buo at masayang pamilyang makagisnan katu
