Natahimik si Thea. Ngayon niya lang naintindihan kung bakit ganoon na lang ang inis ni Liam tuwing nababanggit ang "perfection" ni Lucas. Habang ang lahat ay nakatingin sa liwanag na dala ni Lucas, si Liam ay gumagawa ng sarili niyang musika sa dilim, ayaw na makumpuni o maikumpara sa kaniyang kuya.
"Bakit ayaw mong malaman nila? Ang galing kaya nun," malumanay na sabi ni Thea.
"Dahil kapag nalaman nila, magiging kompetisyon na naman 'yun. Gagawan na naman nila ng kwento na 'si Liam, sinusubukang habulin ang kuya niya'. At ayoko nun," sagot ni Liam.
Itinuro niya ang cake ni Thea gamit ang nguso niya. "Kaya please, atin-atin lang 'to. Isang sikreto para sa 'girlfriend' ko."
Napangiti si Thea, isang tunay na ngiti na hindi para sa plano kundi para sa taong nasa harap niya. "Okay. Safe s
