Katatapos lang nilang kumain, at gaya ng kanilang pinagkasunduan, diretsong nagtungo sa Library para mag-review bago ang susunod nilang klase. Katabi ni Thea si Liam na seryoso (o nagpapanggap na seryoso) na nakatingin sa kaniyang binubuklat na module.
Ngunit ang katahimikang iyon ay biglang nabasag nang isang pamilyar na tinig ang dahan-dahang lumapit sa kanilang lamesa.
"Liam!" bulong na tawag ng isang babae, sapat lang para hindi sila masita ng librarian. Napaangat ng tingin sina Liam at Thea. Doon ay nakatayo si Chloe, ang maganda at talentadong kabanda ni Liam sa Engineering building. Si Chloe ay isa ring Engineering student at classmate ng kuya Lucas ni Liam.
Walang pag-aalinlangang umupo si Chloe sa bakanteng upuan sa mismong tabi ni Liam, dahilan para mapakislot nang bahagya si
