"Marami pa akong kailangang tapusin, Liam. At ikaw, marami ka ring dapat gawin," matigas na sabi ni Thea habang inaayos ang kaniyang salamin.
"Pumayag ako sa deal natin, pero sa isang kondisyon: dapat pagbutihan mo pa rin sa school. Mas galingan mo pa para naman maging worth it ang 'fake relationship' na 'to... kaya walang date, okay?"
"Ha?" Napanganga si Liam. Halatang hindi niya inaasahan ang sagot na iyon. "Thea naman... kanina pa ako nag-ready. Nag-spray pa ako ng pabango na paborito ni Kuya para disente ang amoy ko, oh."
"Wala akong pakialam sa pabango mo," biro ni Thea, pero seryoso ang kaniyang mga mata.
"Kung gusto mong maniwala ang lahat—lalo na si Lucas at si Mommy—na totoo ang 'tayo', kailangang makita nila na maganda ang epekto ko sa'yo. Hindi 'yung puro tayo gala at moto
