Pagpasok nila sa classroom, agad na tumahimik ang lahat. Ang mga bulung-bulungan ay parang mabilis na apoy na kumalat—mula sa Engineering hanggang sa ibang departments, bitbit ang balitang "sila na."
Hindi na nagtanong si Liam. Dire-diretso siyang umupo sa bakanteng silya sa tabi ni Thea. Karaniwan ay sa likod ito pwesto para makatulog o mag-cellphone, pero ngayon, nasa gitna siya, katabi ang "girlfriend" niya.
"Liam, doon ka sa likod, baka mapansin tayo ng professor," bulong ni Thea habang inilalabas ang kaniyang notebook.
"Bakit ako lalayo? Di ba 'tayo na'?" sagot ni Liam nang malakas, sapat para marinig ng mga nasa paligid nila.
Kinuha niya ang ballpen ni Thea at pinaikot-ikot ito sa kaniyang mga daliri. "Saka kailangan kong bantayan ang 'Teach' ko. Baka may lumapit na namang Archi
