First Quarter
Prrrrrt!
Ang matalas na pito ng referee ang naghudyat ng simula ng laro. Agad na nakuha ng 1st Year ang unang ball possession matapos ang jump ball. Mabilis silang pumoste, ngunit ang depensa ng 2nd Year Sophomore Titans ay tila isang pader—lalo na si Liam na agresibong bumantay sa point guard ng kalaban.
"Depensa, Titans! Huwag bibitawan!" sigaw ng coach ni Liam mula sa bench.
Sa unang tatlong minuto ng laro, naging pisikal agad ang salpukan. Ramdam ang init ng Engineering Week; bawat agawan ng bola ay may kasamang siksikan at balyahan. Mabilis na umiskor ang mga Freshmen gamit ang isang mabilis na transition layup, ngunit hindi nagpaawat si Liam.
Sa sumunod na play, hiningi ni Liam ang bola sa may wing. Nag-crossover siya pakanan, nalinlang ang kaniyang defender, at sa
