Habang mabilis silang naglalakad palayo sa Council Office, hindi pa rin maipinta ang mukha ni Liam. Bakas sa kaniyang boses ang iritasyon habang hinihila siya ni Thea.
"Akala ko ba busy day ng organization niyo?" tanong ni Liam, ang tono ay puno ng paghihinala. "Bakit kayo lang dalawa ang nasa Student Council? Nasaan 'yung ibang members? Diba dapat lahat kayo nandoon at busy? Tapos sa laki ng space, magkatabi pa talaga kayo..."
Natigilan si Thea sa sunod-sunod na tanong ni Liam. Huminto siya sa paglalakad at hinarap ang binata, hawak pa rin ang kamay nito. Nakita niya ang tila batang nagtatampong mukha ni Liam na hindi sanay na may kahati sa atensyon ng kaniyang "tutor."
"Liam, kasi may mga klase pa sila..." mahinahong paliwanag ni Thea. "Saka mamaya pa, after class pa talaga ang gawaan
