Hindi pa rin maalis ang ngiti sa mga labi ni Thea habang isinasara ang pinto.
Pakiramdam niya ay lumulutang pa rin siya sa ulap matapos ang "miracle shot" ni Liam at ang matatamis na hirit nito sa kaniya.
"Hoy, Thea," wika ng kaniyang Mommy na nakasandal sa hamba ng pinto ng kusina, may bitbit na baso ng tubig at nakakalokong ngiti.
"Ano... kilig na kilig pa din?"
"Mommy naman..." pabebe na sagot ni Thea, sabay iwas ng tingin at kunwaring inayos ang kaniyang gamit para itago ang pamumula ng pisngi.
"Pero in fairness kay Liam, gusto ko yung ugali niya," pagpapatuloy ni Mommy habang papalapit sa kaniya.
"Natural na natural... saka ang ganda ng aura ng mukha niya ngayon. Parehas kayo, halatang in love masyado."
Napahinto si Thea sa pag-akyat sa hagdan.
Humarap siya sa kaniyang ina,
