Mabilis na kumilos si Thea at ang iba pang mga volunteer upang simulan ang pagliligpit sa Wellness Booth. Ipinasok na nila ang mga natitirang ice pack sa cooler, itinago ang mga medical kit, at pinunasan ang lamesa. Habang abala ang lahat, tahimik lang na sumunod at tumulong si Liam kay Thea. Siya na ang bumuhat sa mga mabibigat na box at nag-asikaso ng mga upuan at pinatunayan ang kaniyang salita na magiging masunuring assistant sa kaniyang Ms. Engineering ngayong araw.
Matapos masigurong maayos at malinis ang booth, nagpaalam na sila sa ibang volunteers.
"Tara na sa Council Office?" aya ni Thea habang isinasabit ang kaniyang backpack. Kailangan niya kasing mag-submit ng inventory report para sa mga nagamit na medical supplies ngayong Day 2.
"Sige, tara. Para matapos na rin 'yan at mak
