Pagdating sa tapat ng bahay nina Thea, pinatay ni Liam ang makina ng motor at agad na inalalayan ang dalaga na makababa.
Marahan niyang tinanggal ang helmet na suot ni Thea, ang kaniyang mga daliri ay bahagyang dumampi sa pisngi nito habang inaayos ang ilang hibla ng buhok na nagulo ng hangin.
"Thank you ulit," simpleng wika ni Liam, ang boses ay mababa at puno ng senseridad.
"Thank you rin... ang ganda ng boses mo, Liam. From now on, favorite ko na 'yung Collide saka Your Song," sagot ni Thea na hindi mapigilan ang pagngiti.
"Talaga?" tila hindi makapaniwalang tanong ng binata.
"Oo, 'yung version mo ang favorite ko," pag-amin ni Thea, diretso ang tingin sa mga mata ni Liam sa ilalim ng malamlam na ilaw ng poste.
Tumitig si Liam sa kaniya, isang tingin na tila ba tinutunaw ang lamig
