Ilang minutong nanatili ang mahigpit na yakap na iyon bago dahan-dahang napansin ni Thea ang amoy ng pabango—hindi iyon ang amoy na kabisado niya kay Liam. Ang lapad ng mga balikat at ang paraan ng paghaplos sa kaniyang likod ay mas mabigat, mas malalim.
Dahan-dahang kumalas si Thea. Nang magsalubong ang kanilang mga mata, unt-unting luminaw ang kaniyang paningin.
Hindi si Liam ang kaniyang yakap. Si Lucas.
"L-Lucas..." basag na bulong ni Thea, sabay bitaw sa kaniyang mga kamay at pagyuko. Pumukaw sa kaniya ang matinding hiya at muling pagbuhos ng luha. "S-patawarin mo ako... Akala ko..."
Hindi lumayo si Lucas. Sa halip, hinawakan niya ang magkabilang balikat ni Thea upang patatagin ang dalaga. Walang bakas ng galit o poot sa kaniyang mukha—puro lamang malalim na pag-unawa at pag-aalal
