MABIGAT ang pakiramdam ni Isobel buong maghapon. Simula nang makita niya sa garden si Leandro at ang bagong guro, hindi mawala ang mga tanong sa isip niya. Ano ba ang meron doon? Bakit parang ang gaan ng usapan nila? At bakit parang mas masaya ang ngiti ni Leandro habang kausap ang babae? Hindi naman siya selosa sa normal na paraan, pero dahil lihim ang relasyon nila, mas madali siyang tamaan ng alinlangan.
“Siguro, professional lang… baka nagtatanong lang ng tungkol sa klase,” bulong niya sa sarili habang nakatingin sa libro niyang bukas pero wala naman siyang naiintindihan sa binabasa.
Paulit-ulit niyang iniisip na baka siya lang ang nagiging overthinker. Pero kahit anong pilit niyang i-justify, may parte ng puso niyang kumakabog—parang may nagbabadya.
Nang matapos ang klase, halos wa
