Bumungad sa amin ang umiiyak na ngayong mukha ni Ate Martha habang kinakantahan namin siya ng Happy Birthday to You. Gulat na gulat siya sa aming inihandang sorpresa sa kanya. Lumapit naman kaagad si Mommy Natascia sa kanya at binati siya sa kanyang ika-labing apatnapu’t apat na kaarawan.
“Happy 44th birthday, Martha. Surprise!” natatawang pagbati ni Mommy. Napatawa na rin kami nang mahinang pinalo ni Ate Martha si Mommy sa braso.
“Ikaw talaga, Ma’am. A-Akala ko talaga kaya ka nagpapa-design nang bongga at nagluto ng samu’t saring pagkain ay birthday ngayon ni Brentford. Akala ko rin hindi mo natatandaan ang birthday ko noong una mo akong in-interview bago ako nakapasok bilang kasambahay sa tahanan mo...” Mas lalong tumulo ang luha niya sa kanyang mga mata. Napapangiti naman akong maki
