Bago pa man siya tumungo sa kanyang silid ay tinawag ko siya nang biglaan. Nilakasan ko ang aking loob na makasalamuha siya sa abot ng aking makakaya. Sa muling pagkakataon at sa matagal na panahong naghintay akong kakausapin niya ako’y ngayon ko muling naranasan iyon. Hindi ko mapigilan ang tuwang aking nararamdaman nang makipag-usap siya sa akin kahit na parang napipilitan lang siyang gawin iyon.
“What do you want and why are you following me?” walang-gana niyang katanungan sa akin ngunit hindi ko itinuon masyado ang aking atensyon sa paraan ng kanyang pakikisalamuha sa akin. Ang mahalaga sa akin ngayon ay kinausap niya akong muli. Pagkatapos ng selebrasyon ng aming pamilya ay hindi ako nag-alinlangang sundan siya kaagad upang maibigay ko ang regalong aking taos-pusong pinagsikapang bi
