Zach's POV
Ininom ko ng diretso ang isang can ng beer na binili ko. Pang-huling can na 'tong naiinom ko sa limang binili ko pero pakiramdam ko kulang pa rin 'to.
Akala ko ba naiibsan ng alak ang sakit na nararamdaman mo? Pero bakit parang mas lalo ko pang nararamdaman yung sakit?
"Hoy itlog!"
Napatingala ako sa kaniya. Hindi ko siya masyadong makita dahil nasisinagan ng araw ang mukha niya pero alam kong siya 'yon.
"What are you doing here?"
"Ikaw dapat ang tinatanong ko niyan eh. Anong ginagawa mo rito sa rooftop ng school? Alam mo bang kanina ka pa hinahanap nina Gab. Malapit na rin mag-sara ang school, kanina pa dismissal. Wala ka bang balak umuwi?" Ani Ayla.
"Wala kang pake." Maikli kong tugon.
Umupo siya sa tabi ko at kinuha ang beer na hawak ko.
"Ibalik mo nga 'yan sa'kin!"
