HINDI nakikita ni Brielle si Sebastian sa opisina pagkatapos ng mga kaganapan noong family day sa school. Ang naririnig niya kay Bea kaliwa't kanan raw ang mga commitment ng lalaki kaya hindi nakakapunta sa opisina nila. Hindi rin naman nito nilinaw kung ano bang balak nito sa kanilang anak.
Maging si Brianne ay sinasabing hindi daw dumadalaw sa school nito ang hindi pa nakikilalang ama. At nahihimigan niyang may lungkot sa tinig ng bata na ikinainis ni Brielle.
Gusto pa niyang magpakilala sa anak nila. Ngayon pa nga lang wala na siyang oras. Mas lalo siyang maawa kay Brianne kapag dumating sa puntong nanlilimos na ng kahit kaunting oras ang anak sa ama nito.
"Oh my god, sis! May susuotin ka na?"
Tinig ni Bea ang pumukaw sa atensyon ni Brielle. Nagtatype siya sa laptop ng usual stuff
