Tahimik lamang sina Logan at Gamiya sa buong biyahe habang nagkakasiyahan ang ibang mga evolvers, dalawang metro lang ang layo mula sa kanila. Hawak niya ang dalaga sa kanyang bisig habang sinisipat nang maigi ang bawat gagawin ng mga estrangherong evolvers na malapit lamang sa kanila. Naiirita man si Logan sa titig ng ibang mga kalalakihan kay Gamiya ay ipinagkibit-balikat na lamang niya ito. Sa ngayon ay wala pa siyang magagawa kung hindi ang magtiis muna. Mahigpit din ang hawak ni Gamiya sa kanyang mga kamay. Nahalata ng dalaga na unti-unti na siyang nawawala sa tamang timpla, na talagang magbubunga nang ’di maganda ’pag hindi naagapan. Sa pamamagitan ng pagpisil ng dalaga sa kanayang mga palad ay nanunumbalik ang kanyang dahilan kung bakit nila kailangang magtiis at sumakay na lamang s
