Sa loob ng middle forest ay nagpapahinga sina Logan at Gamiya. Hindi na muna itinuloy ni Logan ang paglalakbay dahil malapit nang sumapit ang gabi. Sa tuwing kakagat ang dilim ay nagpapalipas muna sila ni Gamiya sa gubat at parehong nagbabantay ng maaaring maging panganib sa paligid. Nasa gitna sila ng gubat. Ang ibig sabihin ay mas makapangyarihan at mas malakas ang mga berserker dito. Hindi sila maaring magpakakampanti dahil isa lamang ang kanilang buhay. Maging si Logan ay hindi nagagawang magpahinga nang maayos simula ng dumating siya sa mundo ng Blood. Sa nakaraang gabi ang nais sana ni Logan ay magpahinga lang si Gamiya, ngunit nagpupumilit ito. Kaya ang naging resulta ay bagsak at humihilik pa ito hanggang ngayon. Alam niyang hindi matatapatan ng dalaga ang kanyan na dahilan kung ba
