Naghahalo ang panahon sa loob ng Death bound na nagpapatindi ng sigalot ng mga taga roon. Matinding init at may panaka-nakang lamig ang umiihip na nagbibigay buhay sa pangalan nitong Death bound. Animo'y sa daloy pa lang ng panahon sa loob ay walang may buhay ang mananatili na nakatayo na mananatiling maayos at payapa. Marahas ang panahon. Ito’y hindi matatawag na tirahan lalo na sa mga paslit na isinilang sa loob. Mistula itong naging libingan nila sa panahon na sila ay ipanganak. Lahat ng evolvers na nasa Death bound ay hindi hinahayaang makalabas kahit kailan. Sila ay nananatili sa loob at sama-samang nagdurusa. Sapagkat sila ay pinangangambahan na magkalat ng sakit, o ’di kaya ay maging agresibo at manakit. Wala pa mang ginagawa ay ganyan na ang nakakabit sa kanilang mga pangalan. Kaya
