Mabilis ang mga hakbang nina Logan upang makarating agad sa tambakan. Sa ilalim sila ng lupa dumadaan kaaya nararamdaman ni Logan na may mga nagmamadali ring mga yabag ng paa sa ibabaw. Tila ay nakatunog na ang mga Voidran guards na may ibang pakay ang pagparito nina Logan at Ocvoo sa lugar. Natitiyak niya ito. Ngunit hindi siya magpapakita sa mga ito hangga't hindi pa tapos ang kanyang misyon. Masasayang lamang ang lahat ’pag nahuli siyang wala pang nagagawa tungkol sa root.
Sa may ’di kalayuan ay naaamoy na nila ang masangsang na amoy na nagmula sa mga patay na evolvers. Ang hangin na nagmumula rito ay mahirap amoyin na isa sa dahilan kung bakit nagkakasakit ang mga naninirahan sa loob. Maging ang matatabang mga uod ay nakikita na nilang kumakain sa mga laman na naka buyangyang. Kinuha
