Nakatitig si Logan sa pupungas-pungas si Gin nang mabungaran siya nito. Dahil sa tulong nina Shaney at Hafie ay matagumpay nila itong ginising. Ang kanilang healing pill na pinainom dito ay bagamat mababa lamang na uri ay sakto naman sa kanyang bloodline. Kaya ilang segundo lamang ang lumipas ay nagising na ito at namumula na rin ang dating ubod ng putla na mga pisngi. Malusog na ang itsura nito kumpara sa patay nitong wangis kanina. Naging masya na rin siya at nawala na ang pag-aalala niya sa kalagayan nito.
“Si-sir Logan? Nako! Tila ay hinimatay na naman yata ako. Pa-pasensya na po’t maraming salamat sa iyong tulong. Kanina pa talaga ako nakararamdam na para na akong mamamatay sa pangit ng aking nararamdaman. Mistula akong naliliyo at tila wala talagang laman ang aking loob. Pakiwari ko
