Habang nasa loob ng device ay ramdam ni Logan ang umiikot nilang paligid. Hindi na lamang siya iyon ininda dahil hindi naman ito isang malaking bagay para sa kanya ngunit nakakarindi pa rin. Ngunit sa kabilang banda ay labis na naiiba ang pangyayari. Sapagkat si Gin ay hindi mapakali at panay ang lingkis sa braso ni Logan. Masyado ring magalaw ang mga paa nito dahilan upang napuno na ang isa sa dalawang Prinsesa na ngayon ay lumabas na ang pagmumukha at ugaling mataray.
“Maaari bang ’wag kang masyadong malikot, Ginoo? Hindi mo ba alam na dapat ay mahinahon, tahimik at dapat ay walang maraming komosyon sa loob ng device? Maaari tayong mapadpad sa ibang bahagi ng Mainland imbis na sa labasan ng portal,” saad ni Princess Shaney.
“Ako na ang humihingi ng pasensya, mahal na prinsesa. Mahina p
